ನನ್ನ ಮನಸಿನ ಕನ್ನಡಿಯಲ್ಲಿ

ನನ್ನ ಮನಸಿನ ಕನ್ನಡಿಯಲ್ಲಿ ನಿನ್ನ ಬಿಂಬ ಅಚ್ಚಳಿಯದೆ ಉಳಿದಿದೆ,
ಹೃದಯ ಮಾತಾಡುವ ವೇಳೆ ಮಾತು ಮೌನವಾಗಿದೆ,
ನಿನ್ನ ಹಾಡಿನ ಪಲ್ಲವಿ ಕೇಳದೆ ಮನಸು ಸೊರಗಿದೆ,
ಮಂಜಿನ ಮಳೆಯಲ್ಲಿ ನೆನೆಯುವ ನಿನ್ನ ನೆನಪಾಗಿದೆ,
ಮುಸ್ಸಂಜೆ ಹೊತ್ತಲ್ಲಿ ಮುದ್ದಾದ ಮಾತಾಡುವ ಆಸೆಯಾಗಿದೆ,
ತಂಗಾಳಿಗೆ ಹಾರಾಡುವ ನಿನ್ನ ಮುಂಗುರುಳ ಹಿಂದೆ ತಳ್ಳಲು ಹಿತವಾಗಿದೆ,
ನಿನ್ನ ಅಧರದ ಜೇನಿಗೆ ಮುತ್ತಿಕ್ಕುವ ಚಿಟ್ಟೆಯ ಹಿಡಿಯಲು ಮನಸಾಗಿದೆ,
ನನ್ನ ಹೃದಯದ ಪ್ರೀತಿ ಹೂವಾಗಿ ಅರಳುವ ಸಮಯದಿ ನೀ ಬಂದು ಸೇರು ಗೆಳತಿ,
ಇಂತಿ ನಿನ್ನ ಪ್ರೀತಿಯ...
ಕಂಪನ