ಕಾದಿರುವೆ ಗೆಳತಿ...

ಕಾದಿರುವೆ ಗೆಳತಿ,
ನಿನ್ನ ಆಸೆ ಕಂಗಳಿಗೆ ಮುತ್ತಿಡಲು,
ನನ್ನೆದೆಯ ಹಾಳೆಯ ಮೇಲೆ,ನಾ ಬರೆದ ಪ್ರೀತಿಯೋಲೆಯ ನಿನಗೆ ತಿಳಿಸಲು,
ನೀ ದೂರವಿದ್ದರೂ ಕಾಡಿದ ನಿನ್ನ ನೆನಪುಗಳ ಮೆಲುಕು ಹಾಕಲು,
ನೀನುಲಿವ ಮಧುರ ಮಾತುಗಳ ಆಲಿಸಲು,
ನೀ ಬರೆವ ಕವನಗಳ ನಾಯಕನಾಗಲು,
ನೀ ಬಿಡಿಸುವ ಚಿತ್ರದ ಪಟವಾಗಲು,
ನಿನ್ನ ಭಾವನೆಗಳ ಸಾಗರದಲ್ಲಿ ಈಜಾಡಲು,
ನನ್ನ ಬರುವಿಕೆಗೆ ಕಾಯ್ದು ಹಾಡುವ ನಿನ್ನ ಮನದ ಸಂಗೀತವಾಗಲು,
ನಿನ್ನ ಸೇರುವ ದಿನ ಹತ್ತಿರ ಬಂದಂತೆ,
ಯಾಕೋ ಕಂಪಿಸುತಿದೆ ಮನವು ನಿನ್ನ ಸನಿಹ ಬರಲು, 
ಇಂತಿ ನಿನ್ನ ಪ್ರೀತಿಯ...
ಕಂಪನ