ನೀನ್ಯಾರೆ??????

ಅಂಕೆ ಶಂಕೆ ಇಲ್ಲದ ಪ್ರೀತಿಯ ಹೇಳಿ ಕೊಟ್ಟೋಳು ಯಾರೇ?
ಗಿರಿ ಗಗನದ ಮೇಲೆ ಆಣೆ ಮಾಡಿ ಕೈಗೆ ಕೈ ಬೆಸೆದವಳು ಯಾರೇ?
ನನ್ನ ಹೃದಯದ ಭಾಷೆಗೆ ದನಿಯಾದ ಪ್ರಿಯತಮೆ ಯಾರೇ?
ನನ್ನೆದೆಯ ವೀಣೆಯ ಮೀಟಿ ನಾದವ ತಂದವಳು ಯಾರೇ?
ಬಿಳಿ ಮೋಡದ ನಗೆಯ ಸೂಸಿ ಕನಸಲ್ಲಿ ಕಾಡೋಳು ಯಾರೇ?
ಚಂದಿರನ ಬೆಳಕಲ್ಲಿ, ಹನಿಯುವ ಇಬ್ಬನಿಯಲ್ಲಿ ಬಿಗಿದಪ್ಪಿದವಳು ಯಾರೇ?
ಮುಸ್ಸಂಜೆ ಮುಬ್ಬಲ್ಲಿ, ಬಿಸಿಯುಸಿರ ಬೇಗೆಯಲ್ಲಿ ಮುತ್ತಿಟ್ಟೋಳು ಯಾರೇ?
ನೀನ್ಯಾರೆ??????

ಇಂತಿ ನಿನ್ನ ಪ್ರೀತಿಯ...
ಕಂಪನ

ನಿನಗೋಸ್ಕರ ಕಣೆ...!!!

ಮುತ್ತಿನಂತ ಮಂಜಿನ ಹನಿಗಳಲಿ ನಿನ್ನ ಹೆಸರ ಬರೆದೆ ಕಣೆ,
ಕಣ್ಣುಬ್ಬಿಗಂತಲೇ ಕಾಮನಬಿಲ್ಲನು ತೆಗೆದಿಟ್ಟೆಕಣೆ,
ನಿನ್ನ ನಗುವಲ್ಲಿ ಹರಿಯುವ ಜಲಪಾತವನೆ ಕಂಡೆ ಕಣೆ,
ಸಾಗರದಿ ಹವಳವ ಆರಿಸಿದೆ ನಿನ್ನ ದಂತಕಂತ ಕಣೆ,
ಎಲೆ ಗರಿಕೆಯ ಎಸಳುಗಳು ನಿನ್ನ ಮುಂಗುರುಳಿಗೆ ಕಣೆ,
ನನ್ನೆದೆಯಾಳದಲ್ಲಿ ಮಿಡಿದ ಹೃದಯದ ಬಡಿತ ನಿನದೇ ಕಣೆ,
ನಿನ್ನೊಲವ ಅಲೆಯಲ್ಲಿ ನಾ ಕೊಚ್ಚಿ ಹೋದೆ ಕಣೆ,
ಪ್ರಾಣ ಹೋದರು ನನ್ನುಸಿರು ನಿನಗೆ ಕಣೆ,
ಚಂದ್ರನ ನಾಚಿಸಿದ ಜಾಣೆ.... ನೀನಿಲ್ಲದೆ ನಾನಿಲ್ಲಕಣೆ,

ಇಂತಿ ನಿನ್ನ ಪ್ರೀತಿಯ...
ಕಂಪನ

ಕೋಪವೇಕೆ....?

ನೀನೆ ಹಾಡಿದ ಸ ರೀ ಗ ಮ ದಲ್ಲಿ ಕಂಪನವೇಕೆ?
ನೀ ಹಚ್ಚಿದ ದೀಪದಲ್ಲಿ ಕತ್ತಲೆ ಏಕೆ?
ನೀ ನುಡಿಸಿದ ವೀಣೆಯ ನಾದದಲ್ಲಿ ಕರ್ಕಶವೇಕೆ?
ನಿನ್ನ ಹುಣ್ಣಿಮೆಯಂತ ನಗುವಿನಲ್ಲಿ ವ್ಯಂಗ್ಯವೇಕೆ?
ನಿನ್ನ ಮುದ್ದಾದ ಮಾತಿನ ಸಿಹಿಗಾಳಿಯಲ್ಲಿ, ಮೌನದ ಬಿರುಗಾಳಿಯೇಕೆ?
ಚಿನ್ನ....
ನಿನ್ನ ಪ್ರೀತಿಯ ಬಲೆಯಲ್ಲಿ ಬಂಧಿಯಾಗಿರುವ ನನ್ನ ಮೇಲೆ, ಮುತ್ತಿನಂತ ಕೋಪವೇಕೆ?

ಇಂತಿ ನಿನ್ನ ಪ್ರೀತಿಯ...
ಕಂಪನ